الموقع
العمل/الترفيه
المزاج
من طرف يلا نكمل باقى الارااااااااااااااااء ونكمل نقاش فى الموضوع
بلاش كلاكيع!
علاقتي بالجنس التاني.. اللي هو الولاد يعني عادية خالص؛ لأني باشوفهم في كل حتة، في النادي وفي الجامعة، ولما بانزل تمرين شغل في الصيف.. يعني موجودين في كل حتة في الدنيا.. وأكيد ده مش بيعمل لي أي مشكلة؛ لأن من ساعة ما اتولدت، وأنا عارفة إن المجتمع متكون من جزأين ولد وبنت، ولازم يكون فيه تواصل بين الاتنين علشان خاطر الدنيا تمشي، وعمر ما نظرتي للمسألة دي اتغيرت...
وأعتقد أن التعامل بين الولد والبنت مش محتاج ضوابط، يعني الموضوع مش أزمة.. بالعكس من الأحسن إن الناس تتصرف على طبيعتها وبتلقائية بدل العقد والكلاكيع.. يعني مثلاً أنا باتغاظ جداً لما أشوف ولد بيكلم بنت عادي، ويحاول يهزر معاها علشان يخفف حدة التوتر بينهم، وتروح دي قافلة معاه الكلام، مع إن الولد بيتكلم بذوق وكل حاجة.. ليه الناس ما تكونش على طبيعتها؟!! المفروض مادام أنا واثقة من نفسي ومن تصرفاتي ما يهمنيش أي حاجة، ولو حتى أقف وسط عشر ولاد ولا يهمني..
وبعدين أنا طول عمري في مدرسة مختلطة، وكنت باقعد في الفصل وجنبي ولد، وكان أقرب صديق لي ولد، وكنت بارجع في الأتوبيس وقاعد جنبي ولد، وفي الدروس الخصوصية كنت باخد الدرس أنا وابن الجيران، ولما دخلت الجامعة كنت أول بنت في شلة فيها 5 أولاد.. يا جماعة إنتم عاملين مشكلة من ما فيش.. أنا بنت متربية كويس أوي وأهلي واثقين فيّ جدًا، وعندي الحرية اللي تخليني واحدة واثقة من تصرفاتها ومش مكلكعة..
إيه المشكلة مثلاً لما أطلع رحلة مع الشلة كام يوم؟ أو نسهر بره في مكان محترم؟ أو نخرج نتمشى في أي مول مادام ده بيسعدنا وبنفرح بيه، ومادام مش بنضر حد، وأهلنا عارفين إحنا فين؟!!
أما بقى اللي يقول لك إن الاختلاط بين الولد والبنت لازم تكون نتيجته الحب، أكيد إنسان مش طبيعي، هو يعني لما أقعد في المدرج جنب واحد زميل لي خلاص هاقع في حبه؟ أصل لو كان كده يبقى بقى أحسن حاجة البنت تقعد في البيت، ويا ريت بلاش تتفرج على التليفزيون أحسن تقع في حب المذيع، ولا تسمع الراديو أحسن قلبها يتعلق بالمطرب..
يا جماعة عيشوا حياتكم ببساطة بلاش تعقدوا الحياة، طب والله ساعات كتير جداً الولد بيكون أخلص في صداقته من البنت واسأل مجرب...
هتعمل إيه أول ما نقول لك رأيك إيه في الاختلاط؟؟
أنا واثقة إن أغلبية اللي هيقولوا رأيهم مش هيخرجوا عن إجابتين يا إما:
الاختلاط حراااااااااااااااااااااااااااام
أو
لأ... الاختلاط حلااااااااااااااااااااااااال
عارفين إيه المشكلة؟ المشكلة إن ما فيش وسطية، المشكلة إن فيه ناس فاتحاها على البحري، وناس مقفلينها على الآخر، وكل جانب مقتنع تماماً بوجهة نظره.
اللي فاتحهينها على البحري
دول بقى ما فيش عندهم حدود ولا فواصل خالص، الحياة "إيزي" فسح وخروج ومكالمات لبعد نص الليل، والكلام في الفاضية والمليانة، والحديث عن ما يجوز وعن ما لا يجوز. كلامهم دايماً ماشي في اتجاه كلنا بني آدمين وولاد تسعة، وإن ما فيش فرق خالص بين الولد والبنت.
والرد على الكلام ده سهل وبسيط، صحيح إن كلنا ولاد تسعة؛ لكن ربنا سبحانه وتعالى اللي فطرنا على الفطرة عمل حدود بين الستات والرجالة، والولاد والبنات؛ {فَلَا تَخْضَعْنَ بِالقَوْلِ فَيَطْمَعَ الَّذِي فِي قَلْبِهِ مَرَضٌ}. والخضوع بالقول يعني الكلام بنبرة غير نبرة صوتك الحقيقية؛ يعني برقة زيادة شوية مثلاً؛ فما بالك بالنكت والهزار والفسح والسفر.... إلخ.. إلخ.
اللي مقفّلينها على الآخر
دول لا سلام ولا كلام؛ حتى لو فيه ضرورة، ولا فيه اعتراف بإن فيه ضرورة أصلاً. يعني م الآخر في قاموس الولاد ما فيش كلمة بنات، وفي قاموس البنات كلمة الولاد؛ مشطوبة.
الولاد شايفين إن البنات فتنة، طيب ما المال فتنة، والدنيا نفسها أكبر فتنة، يبقى اشمعنى البنات بس هم اللي هنعزلهم؟ والبنات شايفين إن الولاد هم الشر الأعظم، زي الكفر وارتكاب الآثام. تمام طيب ما هو ربنا إدى لنا عقل نميز بيه بين الصح والخطأ، ووضح لنا الحديث الشريف: "الإثم هو ما حاك في صدرك وكرهت أن يطّلع عليه الناس".
طيب ييجي حد ويحتار ويقول لي: طيب الحل إيه؟ نختلط ولا ما نختلطش؟ أنا بقى هاقول لكم الحل إيه.. الحل هو............................
الوسطية
ربنا في كتابه العزيز قال: {وَكَذَلِكَ جَعَلْنَاكُمْ أُمَّةً وَسَطًا} يعني في الوسط؛ لا إفراط ولا تفريط. طيب يعني الحل العملي إيه؟.. أنا أقول لكم..
نعم للاختلاط... ولكن
أيوه نعم للاختلاط علشان نتقدم، علشان إحنا محتاجين المجتمع كله يتقدم، مش نص يتقدم والنص التاني قاعد حاطط إيده على خده. أيوه محتاجين الاختلاط علشان إحنا محتاجين الدكتور وجنبه الممرضة؛ محتاجين المدرسة وجنبها الطالب بتاعها؛ محتاجين الست جنب الراجل؛ لكن بحدود وأدب، لا مياصة، ولا نظرة زايغة، ولا كلام ما يتقالش، أو نظرات ما لهاش لازمة. ولا فسح وخروجات، ولا كلام من ده خالص. لو هنقدر نعمل كده يبقى يا أهلاً بالاختلاط.. ولو مش هنقدر يبقى مش عاوزينه خالص.... ولا إيه رأيكم.
ويا ريت قبل ما تقول رأيك تقرأ الأول
"قل مشاركة ولا تقل اختلاط"
دى وجهه نظرى الشخصيه ممكن تكون صح وممكن .. ؟
عاوزة اعرف ارائكم علشان اعرف انا صح ولا غلط
مستنيه الردوووووووووووووووووووووووووووووووووووووووووووووووووووووووود
بلاش كلاكيع!
علاقتي بالجنس التاني.. اللي هو الولاد يعني عادية خالص؛ لأني باشوفهم في كل حتة، في النادي وفي الجامعة، ولما بانزل تمرين شغل في الصيف.. يعني موجودين في كل حتة في الدنيا.. وأكيد ده مش بيعمل لي أي مشكلة؛ لأن من ساعة ما اتولدت، وأنا عارفة إن المجتمع متكون من جزأين ولد وبنت، ولازم يكون فيه تواصل بين الاتنين علشان خاطر الدنيا تمشي، وعمر ما نظرتي للمسألة دي اتغيرت...
وأعتقد أن التعامل بين الولد والبنت مش محتاج ضوابط، يعني الموضوع مش أزمة.. بالعكس من الأحسن إن الناس تتصرف على طبيعتها وبتلقائية بدل العقد والكلاكيع.. يعني مثلاً أنا باتغاظ جداً لما أشوف ولد بيكلم بنت عادي، ويحاول يهزر معاها علشان يخفف حدة التوتر بينهم، وتروح دي قافلة معاه الكلام، مع إن الولد بيتكلم بذوق وكل حاجة.. ليه الناس ما تكونش على طبيعتها؟!! المفروض مادام أنا واثقة من نفسي ومن تصرفاتي ما يهمنيش أي حاجة، ولو حتى أقف وسط عشر ولاد ولا يهمني..
وبعدين أنا طول عمري في مدرسة مختلطة، وكنت باقعد في الفصل وجنبي ولد، وكان أقرب صديق لي ولد، وكنت بارجع في الأتوبيس وقاعد جنبي ولد، وفي الدروس الخصوصية كنت باخد الدرس أنا وابن الجيران، ولما دخلت الجامعة كنت أول بنت في شلة فيها 5 أولاد.. يا جماعة إنتم عاملين مشكلة من ما فيش.. أنا بنت متربية كويس أوي وأهلي واثقين فيّ جدًا، وعندي الحرية اللي تخليني واحدة واثقة من تصرفاتها ومش مكلكعة..
إيه المشكلة مثلاً لما أطلع رحلة مع الشلة كام يوم؟ أو نسهر بره في مكان محترم؟ أو نخرج نتمشى في أي مول مادام ده بيسعدنا وبنفرح بيه، ومادام مش بنضر حد، وأهلنا عارفين إحنا فين؟!!
أما بقى اللي يقول لك إن الاختلاط بين الولد والبنت لازم تكون نتيجته الحب، أكيد إنسان مش طبيعي، هو يعني لما أقعد في المدرج جنب واحد زميل لي خلاص هاقع في حبه؟ أصل لو كان كده يبقى بقى أحسن حاجة البنت تقعد في البيت، ويا ريت بلاش تتفرج على التليفزيون أحسن تقع في حب المذيع، ولا تسمع الراديو أحسن قلبها يتعلق بالمطرب..
يا جماعة عيشوا حياتكم ببساطة بلاش تعقدوا الحياة، طب والله ساعات كتير جداً الولد بيكون أخلص في صداقته من البنت واسأل مجرب...
هتعمل إيه أول ما نقول لك رأيك إيه في الاختلاط؟؟
أنا واثقة إن أغلبية اللي هيقولوا رأيهم مش هيخرجوا عن إجابتين يا إما:
الاختلاط حراااااااااااااااااااااااااااام
أو
لأ... الاختلاط حلااااااااااااااااااااااااال
عارفين إيه المشكلة؟ المشكلة إن ما فيش وسطية، المشكلة إن فيه ناس فاتحاها على البحري، وناس مقفلينها على الآخر، وكل جانب مقتنع تماماً بوجهة نظره.
اللي فاتحهينها على البحري
دول بقى ما فيش عندهم حدود ولا فواصل خالص، الحياة "إيزي" فسح وخروج ومكالمات لبعد نص الليل، والكلام في الفاضية والمليانة، والحديث عن ما يجوز وعن ما لا يجوز. كلامهم دايماً ماشي في اتجاه كلنا بني آدمين وولاد تسعة، وإن ما فيش فرق خالص بين الولد والبنت.
والرد على الكلام ده سهل وبسيط، صحيح إن كلنا ولاد تسعة؛ لكن ربنا سبحانه وتعالى اللي فطرنا على الفطرة عمل حدود بين الستات والرجالة، والولاد والبنات؛ {فَلَا تَخْضَعْنَ بِالقَوْلِ فَيَطْمَعَ الَّذِي فِي قَلْبِهِ مَرَضٌ}. والخضوع بالقول يعني الكلام بنبرة غير نبرة صوتك الحقيقية؛ يعني برقة زيادة شوية مثلاً؛ فما بالك بالنكت والهزار والفسح والسفر.... إلخ.. إلخ.
اللي مقفّلينها على الآخر
دول لا سلام ولا كلام؛ حتى لو فيه ضرورة، ولا فيه اعتراف بإن فيه ضرورة أصلاً. يعني م الآخر في قاموس الولاد ما فيش كلمة بنات، وفي قاموس البنات كلمة الولاد؛ مشطوبة.
الولاد شايفين إن البنات فتنة، طيب ما المال فتنة، والدنيا نفسها أكبر فتنة، يبقى اشمعنى البنات بس هم اللي هنعزلهم؟ والبنات شايفين إن الولاد هم الشر الأعظم، زي الكفر وارتكاب الآثام. تمام طيب ما هو ربنا إدى لنا عقل نميز بيه بين الصح والخطأ، ووضح لنا الحديث الشريف: "الإثم هو ما حاك في صدرك وكرهت أن يطّلع عليه الناس".
طيب ييجي حد ويحتار ويقول لي: طيب الحل إيه؟ نختلط ولا ما نختلطش؟ أنا بقى هاقول لكم الحل إيه.. الحل هو............................
الوسطية
ربنا في كتابه العزيز قال: {وَكَذَلِكَ جَعَلْنَاكُمْ أُمَّةً وَسَطًا} يعني في الوسط؛ لا إفراط ولا تفريط. طيب يعني الحل العملي إيه؟.. أنا أقول لكم..
نعم للاختلاط... ولكن
أيوه نعم للاختلاط علشان نتقدم، علشان إحنا محتاجين المجتمع كله يتقدم، مش نص يتقدم والنص التاني قاعد حاطط إيده على خده. أيوه محتاجين الاختلاط علشان إحنا محتاجين الدكتور وجنبه الممرضة؛ محتاجين المدرسة وجنبها الطالب بتاعها؛ محتاجين الست جنب الراجل؛ لكن بحدود وأدب، لا مياصة، ولا نظرة زايغة، ولا كلام ما يتقالش، أو نظرات ما لهاش لازمة. ولا فسح وخروجات، ولا كلام من ده خالص. لو هنقدر نعمل كده يبقى يا أهلاً بالاختلاط.. ولو مش هنقدر يبقى مش عاوزينه خالص.... ولا إيه رأيكم.
ويا ريت قبل ما تقول رأيك تقرأ الأول
"قل مشاركة ولا تقل اختلاط"
دى وجهه نظرى الشخصيه ممكن تكون صح وممكن .. ؟
عاوزة اعرف ارائكم علشان اعرف انا صح ولا غلط
مستنيه الردوووووووووووووووووووووووووووووووووووووووووووووووووووووووود
